இரையாகுதல்...

பின்னிரவு மழை நாளொன்றில்
என் அறையில் நடந்த
சம்பவம் இது.

எப்படியோ உள்நுழைந்திருந்த அதற்கு,
வெளிறிப்போன முகத்தோடு
இருக்கும் என்னை
உறுமியபடியே
சுற்றி சுற்றி வந்து
மேலும் பயமுறுத்துவது
வேடிக்கையாக இருந்திருக்கூடும்..

அதிரவைத்த இடியொன்றினால்
மின்சாரம் துண்டாகி
சட்டென்று அறையை இருள் கவ்வ
நான் எங்கேனும்
தப்பித்திடுவேனோ என்ற எண்ணத்தில்
அவசரமாய் என் மீது பாய்ந்தது அது..

நான்
அதன் இரையாகி தீர்ந்திருந்தேன்
மின்சாரம் வருவதற்கு முன்பாகவே

05.05.2009