ரயில் செய்யும் இயந்திரவியல்..

ரயிலொன்றினை வடிவமைக்கும்
இயந்திரவியல் நுட்பம்
தெரியுமெனக்கு.
ரயில் செய்யும் இயந்திரங்கள்தான் இல்லை.
என்றாலும்
வார்த்தைகளால்
ரயில் செய்யமுடியுமென்ற
நம்பிக்கைமட்டும் இருந்தது.
பலவாறாக முயன்று
வார்த்தைகளான ரயிலொன்றினை
செய்துமுடித்தேன்.
பின்பு
தண்டவாளமும்
சில ரயில் நிலையங்களும் இருக்கும்
இக்கவிதையை தேர்ந்தெடுத்து
வார்த்தைகளாலான ரயிலை ஓட்டி
பரிசோதிக்கிறேன்..
நீங்கள் இப்போது
இந்த ரயிலில் பயணித்துக்கொண்டிருக்கிறீர்கள்..

21.03.2009